بنگلورو،4؍فروری(ایس او نیوز) ریاست کے کسانوں نے حکومت سے مطالبہ کیا ہے کہ وہ فروری کے اختتام تک حکومتی خریداری کے رجسٹریشن کے عمل میں اضافہ کرے۔ کرناٹک پرانت رعیت سنگھاکے صدر ماروتی مانپاڑے نے ہفتہ کو کہا کہ ملک میں دالوں کی پیداوار گھٹنے اور حکومت کے خریداری کے عمل شروع کرنے کے باوجود مارکیٹ میں تور دال کی قیمت کم از کم امدادی قیمت سے نیچے ہے۔ ریاست بھرمیں 8؍لاکھ کسانوں نے تور دال کی فصلیں اگائی ہیں جن میں سے 3.6؍لاکھ کسان کلبرگی ضلع سے تعلق رکھتے ہیں۔ تور دال کی خریداری کے لئے تقریباً 3.5؍لاکھ کسانوں کا رجسٹریشن کرایا گیا ہے جن میں سے 1.35؍لاکھ کسان کلبرگی سے تعلق رکھتے ہیں۔ ایک اور کسان لیڈر مولا ملا نے کہا کہ فی الحال ہر رجسٹرڈ کسان سے صرف20؍کوئنٹل ہی تور خریدی جا رہی ہے جو اس سال حیدرآباد کرناٹک میں ہوئی تور کی زبردست پیداوار کودیکھیں تو بہت کم ہے۔مرکز نے صرف1.65؍ لاکھ ٹن تور کی کرناٹک سے خریداری کرنے کی اجازت دی ہے جسے بڑھا کر 5؍ لاکھ ٹن کیا جائے ۔کیونکہ ریاست میں اس سال 9؍ لاکھ ٹن تور کی پیداوار ہونے کی توقع ہے۔ انہوں نے کہا کہ اگرچہ ریاستی حکومت نے3.5؍ ملین ٹن تور کی خریداری کی اجازت دینے کے لئے مرکزی حکومت کو خط لکھا ہے۔ لیکن خط کا کوئی جواب نہیں ملا ہے۔ ریاستی حکومت کو رجسٹریشن کی آخری تاریخ کو بڑھانا چاہئے۔ ان تمام کوششوں کے باوجود ریاست کی بہت منڈیوں میں تور کے دام ایم ایس پی سے نیچے یعنی4,300؍ روپئے فی کوئنٹل چل رہے ہیں کیونکہ منڈیوں میں اشیا کی بھاری باطنی ہے۔ اس وجہ سے، کسانوں کو1,700؍ روپئے فی کوئنٹلکھو رہے ہیں۔مرکزی حکومت نے5,400؍ایم پی ایس کو مقرر کی ہے اور ریاستی حکومت اس پر600؍ روپئے اضافہ دیتی ہے۔ بکس کی قلت کا حوالہ دیتے ہوئے، انہوں نے کہا کہ اگر یہ مسئلہ جلد ہی حل نہیں کیا جاسکا تو بڑی مشکلات پیدا ہوسکتی ہیں۔